I edizjón 2013, sèsto 17x23 cm, 108 pàgine, łegadura a graféte e copertina iłustrada in cartonzín.

El librèto raŋcura dai djaléti zitadini de Bèrgamo, Brèsa e Crèma un discréto número de provèrbi meteorològici ligadi ale pràtiche agrícole e miga, e provèrbi sui aniversari dei santi del lunarjo. I provèrbi in djaléto o in léŋgya locàl ƶé stadi trascriti doprando l’ortografíą GLOVU cóme standard de scritura unitarjo per cyésti trè djaléti afini ma che tradizjonalménte vjén scriti con sistèmi grafematici un fja divèrsi. Una corpóxa prefazjón trata i aspèti stòrici e sočàį dela cusí dita Lombardíą Vèneta, el teǧnèr ocupado dala Serenísima fín ala só destituzjón, e là spjéga le deferènze ortogràfiche tra cyésti trè djaléti lombardi orjentàį contun ziǧno al valór dei provèrbi có’ aspèti depoxitari del’antiga cultura dei nòstri antenadi. L’introduzjón al tèsto descrive invéze le caraterístiche particolari del’ortografíą GLOVU mostràndone le deferènze con cyéla taljana de drènto uno schèma čaro e exaųstivo. El tèsto pól èser lèto có’ un lunarjo intel cyal i provèrbi ƶé stadi ordinadi in sènso cronològico secóndo i méxi e le date corispondènti ai aniversari dei santi o zelebrazjóni reliǧóxe ale cyaį sé riferise. Él sé trata in complèso de un pícolo scriǧno dela savjetà dei nòstri avi e dele generazjóni che ne ga prezedudo, del móndo e dela socetà agrícola patrjarcàl; el tuto conzado contun iŋgredjènte inovativo: l’ortografíą GLOVU có’ grafíą unitarja per la scritura de tuti i djaléti lombardi orjentàį. Cyésto tèsto demóstra che là ƶé posíbile l’existènza de una nórma gràfica unitarja de scritura per tuti cyésti djaléti che sibén foneticaménte e leŋgyisticaménte afini no ƶé maį stadi standardiƶadi intel só sistèma grafemàtico. La GLOVUsé propóne alóra aŋca cóme una posíbile soluzjón ala custjón.

II edizjón 2019, sèsto 17x23 cm, 197 pàgine, soltanto in pdf.

In cyésta II edizjón la racòlta pól a bón títolo definirsi un libro. In éla lí ƶé stadi ƶontadi altri provèrbi bergamaschi, bresani e cremaschi e inóltre là contjén aŋca i provèrbi meteǫrològici de Cremóna e dela só campaǧna.